MO KI BAI

N ta dixi BCL,
trankilo i bem dispostu,
kumprimenta tudu algem
tudu dia sem ixforsu,

O li o la N ta obi algem ta fla
Mo ki bai, tres palavras
ma as ves ka ta sai,

pamodi txeu algem
ta sta mal dispostu
ku ses vida ki es ta atxa
ma bu sta na gozu ku es,

Ma é midjor nhos ba ta sabi
ma oji nu sta li ke pa nu obi
tudu nhos ta fla Mo ki bai
um beju um abrasu nu ba ta bai
ka ta kusta nada

As ves N ta panha mau,
nhas amigus dja fla-m
é midjor bu pasa bu ba ta bai
sinau es ta manda-bu
ba m@#a bu mai

ka nhoz kondenam di favor,
ami ka malkriadu
kuza ki N kaba di fla ka ta fladu
é um linguaji um bokadu pizadu,
as ves ta fika xatu pa kenha
ki ta ama si mai ta dué,

Intom kuidadu ku kel ki bu ta fla,
ami si ki N obi ta fladu Mo ki bai

as ves ta kusta sai
prinsipalmenti ora ki bu mesti
bu ta odja ta pasa ta ba ta bai

pamodi bu ka tem pa da
simplismenti kes tres palavras
Mo ki bai ma as ves ka ta sai!