TEZORU

Tem um palavra
ki ta uzadu txeu
tudu algem konxel
ma si signifikadu
é poku ki sabel

Ami N ta uzal poku,
pamodi um tizouru
bu ta guarda
pa kenha ki meresi

Amor é um palavra
valiozu dimas
pa gasta a toa
nha kurasom
é um kofri forti

Di kada bez ki N fla-bu
ma N ta ama-bu
N ta dexa di ser milionariu
pa n bira um pobri koitadu

Pamo N ta da-bu
tudu kel ki N tem
tudu nha rikeza
tudu nha Amor

Sem Amor ami e filis
Dja N sabi ma
nha pobreza e bu rikeza
timenti N sta vivu
nunka ka bu fla ma bo e pobri.
N ta ama-bu dimas

pa bo lili
pa bo manuela