KEM KI FLA MA TA DA KA TA TRA

Sabi FLA ka ta FLA
podi DA ka ta DA
ta kre TRA ka bu TRA
kenha ki sabi ka ta FLA
kelotu ki FLA ka ta DA
oras ki DA pa ka TRA

ta FLA ma ta DA
maz afinal ta TRA
simé FLA-FLA kata kaba
ora ki bu DA ta DA ki FLA
pamo TRA ki sa ta DA

é pa FLA kuza dretu
pa ka DA kombersu
pa DA ku ruspetu
pa ka TRA diskansu

kenha ki TRA ka ta DA maz
FLA é faxi DA é margoz
TRA é doxi pa goza dipoz

é ka tudu kuza ki ta FLADU
ki ta DADU ki ta TRADU
o ki n FLA ma n ta DA
bu podi bem TRA bu bokadu