PA KENHA KI DJA BAI

Ami n ka pidi, foi si ki Deus kre.
Ka dexam dispidi, toma kel ultimu pe.
Odja noz algem ta bai e kuza ki ta due.
Tudu noz sabel dja nu perdi algem tambe.
Um dia e noz ki ta bai ma nu ta txora sime.
Kaminhu e pa baxu seti palmu baxu tera.
Noz ki fika li rumu e pa riba 24 sobri 24 ta spera.
Nunka paradu ta kai ta rabida
ta labanta sakudi poera i kaminha
ku kustu maz ku um ideia na pensamentu.

UM DIA NU TA TORNA STA DJUNTU

Kela ke konsolu pa nu enkara vida
sem txoru pa nu enfrenta dia-a-dia
ku isforsu ta imajina kuzaz la kelotu ladu
timenti nu sta fazi kuzaz di kel ladu li.
La di riba es sta odjanu es sta guardanu
ku speransa ma nu ta fazi sima es inxinanu.

VIVI UM VIDA XEIU VIDA. SIMA ES DANU

Didikadu a Zé Pikiri, avô Chiquinho, Nha Bim, Manaia, Jorginha, Ulisses "Dja Manxi", D. Lena, Nuia, Kaya,
R.I.P.