LEBAM PA PARAIZU

Kantar di bu surizu é muzika pa nhas odjus,
si dosi melodia é som di algem ku bom gostu
Tem forsa kapaz di kuram di um vida sufridu
kapaz di lebam pa um mar na paraizu

KABU VERDI É UM PARAIZU XEIU DI JARDIM FLORIDU

Tarrafal, Portinhu, Baia, Praia d Cruz, Santa Maria.
Bo ki ta skodji. Basta Sta ku bo noite i dia
ta kurti bu voz dosi moda mel suave na ovidu
ta lembra Ildo, Cesária, Bana, Celina, Tito.

INSPIRASOM DI NOZ POETA. PRINSEZA DI NOS SERENATA

Kafé di manham leti fresku kuzkuz kenti
Abri odju i atxa um anju na nha frenti.
Kenha ki fla ma sabura é so na sonhu
ami kordadu kre djam atxa um tezoru

SE PAN VIVÉ NEZ MAR KI KA TEM KEM KI N KRÉ...

n kria morré si bo ta izistia so na nha kabesa
bu peli suave ta envolvem basta sta na bu prizensa
dexam ku nha odju fitxadu ta xinti kel sabura
di sabi ma kel ki n ta xinti pa bo dja tem um kura

SAB É SAB. SAB É DOSE. DIPOZ DI SAB MORRÉ KA NADA