PA BO

Tem kuzaz sobri bo ki n'ta kre pa bu sabi dretu
Kuzaz ki n'ta pensa di bo ki n'ta guarda dentu petu
Kuzaz di um amigo ki n'teni li ku tudu karinhu
Desdi kel primeru bes ki bu parsi na nha kaminhu
Kel brilhu di bu surizu ki markam pa sempri
Dexam perdidu, dizorientadu, spantadu bu frenti
N'ta konfesa ma n'bira segu, ma n'bira dodu na bo
Visiado sima kes dam um fakada ma n'ka ta xinti dor

"Pamo amor é dor, e ka ta mata ma é ta danu na txom"

N'tenta. Forti n'tenta kontou tudu sem koru
faltam koraji ma sobram um mar di txoru
txeu ensaiu frenti spedju ku medu enkarou
karta guardadu na gaveta ku medu toma nou
kantu bes ta da um pasu pa frenti na bu diresom
dipos doz pasu pa traz na hora toma um disizom
tempu ka ta purda e ta poi amor bira amizadi
si bu teni ka bu dura dexal sabi tudu verdadi

"Pamo amor di verdadi, e ta kura ma tambe e ta kastiga"