SERA KI DEUS KA TA TXORA?

Sera ki Deus ka ta txora? E ta finji me ka sta odja?
Sera ki Deus ka ta xinti? E kre testanu noz limiti?

Tudu na mundu tem si limiti. Kada omi e inosenti
si bu spia pa el di um manera diferenti
Ami n’ka krenti, n’tem ki isforsa pan intendi
tem kuzaz ki ka sa ta kamba na nha menti

Omi tem kulpa rixu? SIM
Omi tem kabesa rixu? SIM
Omi, kastigu e rixu. Ti fim

Vontadi fla altu ma injustisa sta feiu odja
Rinka um djatu, xatisa nada ka ta midjora
Bu ta fazi bu ta paga, o li o la El ki ta manda
Ka importa di undi ku bem nem undi ku kamba

Tem txeu o poku, Pa riba nos tudu, Seu e igual
La di baxu, Kre o ka kre, e nos distinu final
E kel ki bu E nau kel ku fazi ke maz forti
santu o pekador kastigu e kaminhu di morti

Deus ka ta skodji "ma dja txiga bu ora… "
E ta dexa munti Bom omi bai embora
na lugar di kenha ki ka bali num tistom
trokadu fladu ma distinu ka sta na noz mon

Sera ki Deus ka ta txora o E sta xintadu ta ri ta txokota?
Sera ki Deus ka ta xinti o e sta kastiganu manenti?

Nta dexa um a parti pa tudu nhoz ke krenti
N ka kontra Deus ami e kontra kes indiferenti

Um orasom pa:
Alá, Cronos, Zeus, Rá, Osíris, Viracocha, Shiva, Brahma, Jeová, Cristo
Budistas, Taoistas, Bahaistas, di vodum, di kandomble i tudu restu

Sera ki Deus sa ta durmi,
o es sta na gera ku kumpanheru
pa djobi kenha ke midjor?

Ami nsa li ta sisti tudu gera
ki sta na mundu interu
pam julga kal ke maz pior