TA SPEROU

Nunka n’pensaba
ma n’ta txiga na kel stadu li
ta vivi sem speransa
ma um dia n’ta teneu ku mi

ma tempu sa ta pasa
I mi n’sa li mi so
ta pensa na disgrasa
ke bem vivi li sem bo

kada dia e um fakada
n’ka sabi si n’ta aguenta
n’flau ma n’ta fikaba dretu
ma parsem nem pa ka tenta

bu sai bu bai pa aventura
e si ke vida ma forti bu sa dura
n’sa duenti li na tortura
nha duensa tem so um kura

mata sodadi di bo poku poku
bu voz ku imajem di bu korpu
ka papel ka dijital ka virtual
n’kreu na nha frenti bem real

ke pam palpa pam xinti
pam kubriu di pe pa kabesa
ku mar di kuzaz fixi
guardadu pa bo sem presa