TXUBA DJA BEM

Di ripenti sukuru fitxa.
Nha genti keli e kuze?
E txuba e txuba.
Nha povu e sime,
nos sorti ki dja txiga.
Nu pupa nu puba.

O txuba dja bu bem?
Bu trazi kel fixom
ku midju ku batata?
Bu trazi bongolom?
Pa nu kumi ti nu farta?
Es anu nada ka da
so kansera na indjarga.

Nu sukuta nu sukuta
Simenti na txom ta fla muzika
pa nu badja rapikadu.
Nu djuda nu djuda.
Kada um ku si inxada finkadu,
na um kompasu ta rapika.
Forti sabura so sabura.

Sukuru dja fitxa la kelotu lem.
Dja bu sukuta? Txuba dja bem.