VOLTA KI BALI?

É da um Volta
é da dos volta
na di tres
é bem da konta
ma dje kai na fronta
era omi sem mantxontxa
é leba tudu na diskontra
ki sta feio konta

El é dodu
é da pa dodu
fazi munti di dodu
so pamodi si diskontrolu
kuza sail pa kololu
algem ta abri odju
ka tudu ki nasi tolu
ki ta mori tolu

onti algem txora
oji algem ta txora
manham el ki ta txora
trokadu kel katxora
nada é ka fazi pa midjora
na kaza tudu dja piora
sima ta fladu pé é pa tora

na kumesu staba sabi
na ta kaba é fika sem sabi
"ma kuze ki djam fazi?"
kel ki dja sta ka ta disfazi
o ki nu perdi ki nu ta sabi
ma kel ki nu teni ki bali

da bu volta
da pa dodu
so ka bu txora
bo ki sabi