N'STA SABI

E sábi sabi ma n’sa sabi
nha petu ka sta kabi
di tantu felisidadi
djam dexa mundu bem sabi
kuze ke mesti fazi
pe xinti ku intensidadi
kuze ki sta li dentu

nha petu ka pikinoti
alegria ke txeu dimaz
sta frontam ta baza
di nha korpu sima lava
di vulkom kenti forti
di palmanham pa noti

erupsom di vida
ki ta mata tristeza
ta aumenta serteza
ma u ki n’sa xinti
e amor inkondisional
pa nhaz doz pikinoti

sa ta aumenta na mi
kada bez maz
ta bira maz forti
um sentimentu di amor
pa kumpanheru
ki debia ser pa tudu algem
ka so di sangi pa mundu interu