100 kuza fla/nada fla

Tem dia ki n’ta sta ku 100 kuza fla,
nunka kala, luta, fala e nha komprimisu,
ma oji e dia ki n’sta sem kuza fla,
kulpa kaba, skuta, nada pa alimenta visiu.

E dia ki n’ta odjau ta parsi nha frenti,
ta pom xinti ku 100 kuza fla so sábi,
ma di ripenti ta muda tudu di ripenti,
n'ta fika sem kuza fla, ta xinti ka sábi.

N’ka ta intendi modi ki n’ta sta ku 100 kuza fla
ma n’ta fika sem kuza, nada fla, nada fazi,
ta bai ta bem, tudu o nada, e si ke mundu,
tem kel ki tem 100 kuza fla ma ka ta fla,

Otu ta da ma sabi ma sem kuza fla
ez da da so ma ez sabi, so fla-fla
ami n’sta fla kel ki n’sabi, ki n'prendi
poku o munti e si ki n’ta skrebi.

N’ta mostra pa kes ki sta odja manenti,
ma nada ez ka sta xinti pamo nada es ka ta fla
algem ta fala pa ez, pensa pa ez ma ki ta fazi e ez,
ka bali pena fla ma ta fazi dipoz pa fika so na fla