KABESA PA EZ

Dinheru sa ta kaba, tem ki tem paxenxa
pa ez n'ka ta kansa, forsa sta dentu kabesa
ki ta labanta seu i mar, pa ez n'ta isforsa
pa n'ka pasa mal, saudi, dinheru, kabesa

e kuzaz ki munti di noz ta pidi pa ka bai
nez vida nu ta txora ora entra i ora sai
intom n'tem ki pensa na ez antis di perdi kabesa,
ta pensa na sabura so pa alivia dor di kabesa

sabura e tamanhu di bu pensamentu,
timenti bu sta la ta pensa mo sta sabi
sabura ka ta kaba, sabi na rua ka sabi na kaza
e ka si ki n'kre sta, sabi na kaza sabi na tudu kau

e ka bens materiais ki ta fartam
tem ki kamba dentu mi pam xinti fartu
na kabesa na kurasom, na pensamentu
timenti sol sta brilha riba nha kabesa