NOZ MUDJER

Mudjer, Mudjer, Mudjer,
di mundu fepu sta na nha kurasom,
di tudu kor, tamanhu ku feitiu,
kel ki trazem pa mundu e afrikana
ki mi n'ta adora e kabu-verdiana

mai, irma, tia, avo, prima
amiga, stranha, kunhesida,
tudu kriola na tera i na mundu
ez ke bazi di noz nasom

fiddjus di mudjer kabu-verdiana
oji e noz dia, nu silebra grandi
um ominaji pa tudu kabu-verdiana
Mai di noz paíz di noz futuru

ka nu larga mudjer kabu-verdiana
ka nu maltrata mudjer kabu-verdiana
ka nu dispreza mudjer kabu-verdiana
ka nu perdi mudjer kabu-verdiana

pamo noz nasom ki sa ta paga
ami e dodu na mudjer kabuverdiana
kel ki sakrifika pa nu tem algum
pa nu djuda noz fidju tem midjor