Sinku pergunta pa noz

Pamodi ki algem ka ta intendi kumpanheru?
Kuzaz ta muda o ki ta involvi dinheru
Familia di noz debi ser sempri primeru
Ka so ora ki nu ta kai na dizuperu

Pamodi ki algem ka ta fazi um jetu?
Vontadi di noz tudu é pa sta dretu
Pa nu konvivi kada um ku si difetu
Sem bem arma em sinhor perfetu

Pamodi ki nu tem stadu ta vivi afastadu?
Falta di tempu, é kel diskulpa ki ta dadu
Pa tudu ladu n’ta obi so ta fladu
É pamodi kau sta mau, kau sta brabu

Pamodi ki oji em dia nu sta stranhu?
Si noz tudu nu konxi ku nariz so ranhu
Gosi pa nu pasa ta odja é di anu em anu
Konformi tempu Sima ke ixtasom di anu

Pamodi ki nu konforma ta dexa ba ta bai?
Gana muda é txeu ma orguliu ka ta sai
Tempu ta pasa nunka maz ka ta ser kel me
Tudu unidu, tudu sábi, tudu sima nu ta kre