ABRI BOKA BU FALA

kabesa é pa pensa Boka é pa fala
Ou sera ki bu ta kala Pa kabesa ka kansa?
É midjor bu diskansa
Podi dexa n ta trata di poi
palavras klaru Na bu menti
Ke pa dexau dipoz kapaz
di traz pa lado di forma intelijenti
pa ka mistura ku kez lixu puluenti
Ki bu ta konsumi na ti vi
nhas rimas é mó diluenti
maz bu obi maz bu ta kre poi
pa bu aji di forma intilijenti
intom ka bu skesi nha boy
é midjor bu toma senti nez mensaji
é també pa tudo kez ki ta fazi viaji
ma ta sta auzenti ki ta perdi paisaji
ki sa ta pasa si frenti
dja bu sta xintadu konformadu
ku kel ku kontadu ku obi ta fladu
so ta spera txiga bu paraji
intom é midjor bu korda
pamo é na varzia ku ta dixi