MAE

Az vez nu ta xinti falta di algem Ora ke ka sta
Ma na verdadi é kenha ki sta Ki maz ta fazi falta

Ela e nha prinseza Algem ki fazem kem é mi
Aliaz nha rainha santa uma deuza pa mi
Tudo nha rikeza Sta na si korpu
kada kabelo branku É um tizoru
Si peli iskuru Bali maz ki oro
Na si aspetu rustiku
Sta markadu tudu forsa i beleza
Di noz tera kabu Verdi
Ta n deria ka ta kai di ninhum manera

Strela gia farol nez nha vida
Ta lumiam kaminhu noti i dia
Pertu o lonji é pa la ki n ta spia
Pa el n ta didika tudu dia di nha vida
desdi kel primeru ki n kumesa ta respira
Nta pidi pa ser txeu
ka pa mi ma pa nha cretxeu
Amor di nha vida nha midjor amiga

Ka tem medu flam verdadi
Mesmo si ta maguan
N sabi ma vontadi é sta la pa djudam
Na tudu si idadi el ki ta amparam
Forsa e ta djunta pa nada ka faltam
Nem pa mi nem pa nhaz irmons
Si defetu é ser mai ku pai madrasta padrastu
Po pa tudu gastu pamo vida az vez e ingratu

Ma ami nta xinti gratu pa nha sorti
ki ta dan pena di kes mudjer pa ké
tem fidju si bu ka sabi ser mai e kuzé
má sorti pa kes mininus ta kumpri pena
desdi nasensa infelizmenti um sena
ki ka ta kabi na nha kabesa
pensa um poku i bu podi tem serteza

mai e só um ami n tem mil i um
tem otus ki ka tem ninhum