AGUENTA

az vez n ka ta aguenta
korpo ta fla pam para
ma menti kre pam tenta
tudu dia N-ta inventa
vida ta pasam rastera
ma um dia é tem ki orienta

kela ka um problema
ma sim é noz dilema
jovens di noz tera
tudu dia na kaminhada
da pa li da pa la
az vez pa nada
ma ka podi pára

ta vive injuriadu
ma nesesidadi é diáriu
kriatividadi é ta alimenta
baxa brasu nem pa ka tenta
nu ta odjadu ku poku
nu ta tomadu pa fraku

dan um pó di foz
N-ta fazeu um barku
tera ka tem nada
mar é kaminhu largu
um padaz di pom ta multiplika
pa dez, sem, mil i tantu

noz trez por dia é kuza fartu
nu ka tem undi tra
ma simé ta tem algum pa da

é sima nsta fla
nu nasi ku um dom
eransa di noz tera
pikinoti dentu mar
ma riju sima pedra
rikeza nu ka tem
ma nu tem kabesa

keli é apenas um omenaji
pa nha povu ki ta luta
tudu dia ku koraji
y txeu forsa di vontadi
pa dexa tera sem pobreza
pa novo jerasom bem di traz
dizemraskadu ku txeu sivismu
idukasom y konfiansa
pa konstrui um kabu verdi midjor
um terra di speransa

tudo ki é tem pa danu
é paz y amor intom
midjor bu toma bu lembransa