DJAM KANSA

NHA KANETA DJA KA TENI TINTA
É KA STA KONSIGI AKOMPANHA
VILOSIDADI DI NHA PENSAMENTU

DJAM PASA TA EXPRESA
NHAZ IDEIAS DIRETAMENTI NA P.C.
MA NHAZ DEDOS STA LENTU
SEM ANDAMENTU
MA N’KA TA STRESA

N’STA APENAS TA KURTI MUMENTU
KEL KI N’TA ODJA É KEL KI N’TA KONTA
SO KI AZ VEZ N’TA DA KONTA
DI KEL KI STA PA BEM KU KLAREZA
DI TEMPU PRIZENTI SIMA UM PROFETA
TA ANUNSIA MUDANSA
PA KA DEXA MORI KEL SPERANSA
MA NU TA DEXA ALGUM KUZA
DI VALOR PA NOZ KRIANSA

N’STA PENSA TXEU N’STA SKREBI TXEU
VOZ DJA STA TA SAI SIMA KE KA DI MEU
POR ISU DJAM DISIDI POI NHAZ IDEIAS
GRAVADU LA NA SEU
EM FORMA DI PALAVRA
PA ILUMINA PA AKESI PA ALIMENTA
KEM KI STA MESTI

SOL É PA NU VIVI
PALAVRAS É PA NU CONVIVI
NA PAZ KU ARMONIA KI NU MERESI
SI BU ODJAM TA FALA MI SÓ
KU AR KANSADU KU ROSTO NA TXOM...
É PAMODI GENTIS KA STA OBI NHA MENSAJI

KA BU FIKA PARADU BEM KU BU KANETA NA MON
BEM DJUDAM POI MAZ UM STRELA LA NA SEU