NA SOM DI DIMOKRASIA

É NA SOM DI DIMOKRASIA KI N TA VIVI
É NA SOM DI DIMOKRASIA KI NTA EXPRIMI

33 ANU DI IDADI SIMA DI JESUS
MA NOZ DISTINU N TEM FÉ
MA KA TA TERMINA NA KRUZ

KU KINZI ANU DI IDADI NU FINKA PÉ
PA DEXA KADA UM POI SI KRUZ
KADA UM KU SI KONSIENSIA KU SI FÉ

PAMO NU SKODJI VIVI KU MAZ INDEPENDENSIA
KABRAL KU NOZ KOMBATENTI DJUDANU
KU SOL, SUOR VERDI I MAR EZ DANU
RAZOM PA NU SER LIVRI

GOSI É KADA UM KI TA DISIDI
MODI KI NU KRE VIVI

NA SOM DI DIMOKRASIA
É LA KI NU TA SABI
KENHA KI NU KRE PA BEM DIRIJI

NA SOM DI DIMOKRASIA
NU KA TA FIKA KALADU
GOZA BU LIBERDADI MA KA BU SER ABUZADU

NA SOM DI DIMOKRASIA
LI É NOZ KI TA MANDA NA STADU
KEL KI NU POI E KEL KI NU TA TRA

FIKA SENTI UNDI KU TA POI KA BU STRESA
FAZI KEL KU FAZI É BU KRUZ KU TA KAREGA
TUDU DJUNTU NOZ É FORTI
MA KADA UM POR SI NOZ É FRAKU

NA SOM DI DIMOKRASIA
UM TA FAZI TUDU TA PAGA
NHA KAMPANHA KA TEM PROMESA
DA BU KANETADA MA KU KARTA RIBA MEZA

KA BU SKECI MA NU STA NA MESMU SAKU
BASTA UM STRAGADU PA NOZ TUDU FIKA KONDENADU