LABANTA

UNIKU GARANTIA KI NU TEM NA VIDA
É KI UM DIA É TA TERMINA
MORTI É UM SERTEZA KI TA MOSTRANU
UNDI KÉ NOZ META FAZI KEL KI BU FAZI
É PA LA KI BU TA KAMINHA
FAZI TXEU (KUZA PUSITIVU)
FAZI POKU ( AZNERA NA BU VIDA)
FAZI TUDU (NA PAZ I NA VERDADI)
FAZI KEL KI BU KRE (DENTU RISPETU KU ONESTIDADI)
FAZI BU VIDA BALI MAZ KI MORTI
FAZI UM MARKA KI TA FIKA PA STORIA
FAZI BU KAMINHU KA BU SPERA PA SORTI
ABO É SIMA GUDJA DI UM BUSULA
TA PONTA SEMPRI PA NORTI SEMPRI PA NORTI
INTOM LABANTA KABESA PA RIBA KE KAMINHU
SORTI TA BEM ORA KI BU POI KRIATIVIDADI
BU TA ATRAIL O KI MENUS BU TA SPERA
ARISKA BU TA SABI ME KA FRUTU DI AKAZU
TIMENTI KURASOM STA BATI NADA KA STA PERDIDU
FAZI DI BU VIDA UM FESTA
DI PALMANHAM PA NOTI XEIU ALEGRIA
CONVIDA BUS AMIGUS I FESTEJA TUDU DIA
E FESTA O KI BU KORDA É FESTA NA TA DETA
FESTA NA TRABADJU NA BU KASA
O NA OTOKARU É FESTA KI KA TA KABA
PAMODI UNIKU GARANTIA
KI NU TEM NA VIDA E KI UM DIA E TA KABA