HOMI TA AMA

TRAZ DI DJOBI SI AMOR
KELOTU SI METADI
HOMI TA SUFRI KALADU
E TA LUTA KU INFELISIDADI
KI TA TRAL PADAZ
DENTU LADU ESKERDU DI SI PETU
DIPOZ PA TUDO KORPU KU DOR,
TA FULIAL NA UM BEKU

AMIGUS TA TRAIL INIMIGUS TA DIROTAL
EL É KRE SÓ SER FELIZ
É KRE DJOBI UM KAU MORA
MAZ SEGURU E KENTI
PE PODI LABANTA KABESA
PE XINTI VIVU,
UM TRABADJU DIFERENTI

DIPOZ É TA DJOBI
UM RAGAZ I UM OMBRU
PE INKOSTA KABESA
ALGUEM PA KA FALTAL
PA STA KU EL SEM PRESSA
NA DRETU KU MARIADU
NA FOMI KU NA FARTU
ALGUEM PA TRAL
DI VIDA KE STA NEL
PA LEBAL PA FELISIDADI

NEZ KORRIDA DI VIDA
META É UM AVENTURA
LONJI DJE SABI
UM MARATONA
XEIU DI OBSTAKULU
KU SUFRIMENTO I KORAJI

PA EL VIDA
É UM VIAJI GRANDI SEM VOLTA
NOS TUDO SABI
MA PASSAJI É SÓ DI BAI
MAZ SEDU O MAZ TARDI
NU TA TXIGA LA
E VIAJI TA KONTINUA
PA KENHA KI FIKA PA TRAZ


TRAZ DI DJOBI SI AMOR
HOMI TA DA SI KORPU KU SI ALMA
AZ VEZ É TA DODU
OTU BEZ É TA DESISPERA
MA DIPOZ É TA KALMA
PE PODI DJOBI
MIDJOR KAMINHU
NA MIDJOR HORA

É PASA VIDA TA SPERA
MA GOSI É OTU STORIA
DJE KORDA SIMA UM VULKON
KI DJA DISPERTA
TA BAFA TUDU KENHA KI PARSI,
TA LEBA TA INTERA
TA DISTRUI TA PAGA
TA KEMA KU SI KENTURA

KALOR DJA TOMA KONTA DEL
KI DJA SUBIL KABESA
KI DJA SEGAL DUM MANERA KI
É TA AKREDITA
NA TUDO KE ODJA
NA TUDO KE OBI
KI DJE SKESI
DI KEL KE TA XINTI
KU KEL KE TA PENSA

RAZON DJE PERDI
SENTIMENTO DJA TOMA KONTA SI KURASON
KUAZI DJE STA DODU
KI AMIGOS DJA LARGAL DA MON
É STA EL SO
DJE DEXA AMOR FAZEL
ESKRAVU DI MOMENTU
SEM DEFESA DESPREVENIDU
SI DISTINO STA INSERTU

DJE FIKA FRAKU
SEM VONTADI SO KU DOR
KEL DOR KE TA XINTI
O KE KORDA PA MUNDU
E TA ODJA MA
NEM SEMPRI
KEM KI TA AMA TA AMADU
E NEM SEMPRI
KEM KI TA AMADU TA AMA