PREGUISA MENTAL

TEM DIAZ KI N TA KRE FAZI TROKA
DEDIKA UM TEMPU A TRABADJU BRASAL
DA KABIDAL PA SUORIZ BAZAM
SO PA N DISTANSIA UM KOXI
DEZ TRABADJU MENTAL
KI TEM STADU TA KANSAM

EZ TA FLA MA NHA TRABADJU
É DI PREGUISOZU
PASA DIA XINTADU FRENTI COMPUTADOR
É KA TRABADJU DUM HOMI

TEM MAZ PREGUISA KI PREGUISA MENTAL?
FIKA XINTADU TA SPERA
PA OTU BEM PENSA PA BO
PROBLEMA E KI TEM ALGUEM
KI KA TEM KAPASIDADI
DI POI MUSKULU KI MAZ TA KONTA
NA SI KORPU TA TRABADJA
KABESA É KA SO PA POI TXAPEU
KI FARI PA KRIA KABELU

TEM BU PROPI OPINIOM É REI DI IMPORTANTI
MAZ INDA É SI BU TA CONSIGUI JUSTIFIKA
KADA POSISOM KI BU TA TOMA NA BU VIDA
SER KOERENTI SABI FLA NAU
O KI TUDU ALGUEM KRE OBI SIM
MA BU RAZOM DI FLA NAU
NINGUEM KA KRE SABI

DOR DI KABESA NOTI SEM DURMI
ODJU KA TA ABRI
KELA É PRESU KI N TA PAGA
PA TUDU GINASTIKA MENTAL
KI N TA FAZI
N TA TENTA PERSEBI MO KI
KUZAZ TA FUNSIONA
ANALIZA KRITIKA JUSTIFIKA
INVENTA KRIA FAZI MAGIA
KUMESA KU UM FOLHA EM BRANKU
TERMINA KU UM OBRA DI ARTE
KEM KI KA TA PERSEBI
TA XINTA TA TXOKOTA
MA NA FIM TUDU ALGUEM
TA KRE TOKA TA KRE KOPIA
EZ TA KRE POI PA BAXU
PA DIPOZ PEZ APREZENTA DI SEZ
PASADU A PAPEL KIMIKU
PAMO EZ ATXAL SIMPLIS DI MAZ

SIMPLIFIKA E KOMPLIKADU
POR ISO KI TXEU ALGUEM
TA PRIFIRI TRABADJU BRASAL
I HOJI N KRE DEDIKA UM TEMPU
PAM DISKANSA DI NHA ESFORSU MENTAL
SO PA SIMPLIFIKA