OU EL OU MI

HOMI TA KAI TA LABANTA
TA FLADU GRASA A EL
E TA DJOBI UM SAIDA NA SI VIDA
TA FLADU KU FE NA EL
E TA LUTA PA TUDU
BAI NA BOM KAMINHU
TA FLADU KU DJUDA DEL
KAU TA STA MAU
EZ TA FLA PAI E EL

KA NHOZ PERGUNTAM
AMI NKA KONXEL
N KA SABI UNDI KE STA
NEM NKA TA DJOBEL

TA FLADU EL E GRANDI
MA NA NHA KABESA E KA TA KABI
NHA MENTI KA STA FITXADU NAU
SIMA UNIVERSU E SA TA EXPANDI
E KA STA LIMITADU NAU
E KOMPLETAMENTI ABERTU

SI BU TA POI BU VIDA NA SI MON
AMI NTA POI NHA VIDA NA NHA MON
NTA KRE SER DONU DI NHAS PASUS
KULPADU DI NHAS FRAKASUS
KONKISTADOR DI NHA SPASU
PAM PODI FLA KU TRANKUILIDADI
HORA KI N KAI KI N LABANTA
ME GRASAS AMI
KEL KI N KRE N TA KONSIGI
KU FE NA NHA KAPASIDADI
PAM BAI NA BOM KAMINHU
KU DJUDA DI NHAZ AMIZADIS
NUNKA TA SPERA PA EL