TUDU IRMON

ABO E DI UNDI IRMON?
DI UNDI KI BU BEM?
PA UNDI KI BU STA BAI?
ABO E DI KES KI KA TEM TXOM?
BADIU SIMA MI?
BADIU DI PRAIA.
BADIU DI MUNDU?
PE STA FORA
MA KABESA STA NA TERA
KABU VERDI
KURASOM STA NA SEU
KU KEZ KI N PERDI

IRMON TXIGA PERTU
NU BEM FALA LINGUA UNIVERSAL
KA KRIOLU
KA INGLES
KA FRANSES
E LINGUA DI AMOR PAZ
DIREITU IGUAL
PA TUDU ALGUEM
KADA HOMI KU SI VALOR
VALOR DI 1 HOMI
KA DI 2 KA DI MEIU HOMI

IRMON DAN BU MON
PAN FLAU NU BAI
BU TA FLAM LET'S GO
KELOTU TA FLANU VAMOS
DJUNTU PA TUDU KAU
TI KI NU KAI
KU KANSERA DI VIDA
KA KANSERA DI KORI
SO PAMODI
AMI E DI SUL
ABO E DI NORTI.

FITXA ODJU IRMON
PA BU ODJA TUDU SUKURU
PA BU XINTI TUDU KLARU
DENTU PETU
KU ODJU FITXADU
KA TEM PRETU
KA TEM BRANKU
KA TEM RIKU NEM POBRI
SANGUI E BURMEDJU
DENTU KORPU TA KORI.