KANSERA SEM MIDIDA

Es kansera ka tem midida
forsa di vontadi é kel fomi
ki ta pidi maz koraji
pa alimenta falta di sorti
pamo mundu ka sta djuda
as vez é ta poi na El
tudu si speransa
pa vida ka maltrata sis fidjus
ki e ta skesi ma el
é tem ki sta vivu
pamo kurasom tambe
é ka di feru ma sime
é ta aguenta ku tudu sakrifisiu
pe dexa um imperiu
pes sigi ku ses vida
pamo el dja el é vivida

O nha genti kansera ka tem midida
pa kel mudjer ki ta luta el so
pamo distinu si ki kis
ku gana xinta na kaza
ku fidjus ku netus
ta kori pa tudu ladu
ma tempu ta pasa
speransa ta eskasa
ma kansera é ta disfarsa
timenti djogu ka kaba.

Dodu na bo - Manuela