KEL KI DADU KA TA TRADU

Fladu kel ki dadu
ka ta tradu
kuza mariadu
ta dexadu di ladu
moda pobri koitadu
ta fuliadu
undi ka ta odjadu
tudu tapadu
duranti kuatu anu
di mandatu
pa bem odjadu
kandidatu
ta da abrasu injuriadu
imbrudjadu
na mintira dikoradu

si ki ta fladu
ma ta dadu
afinal nem ka ta dadu
ta diskulpadu
ma kau sta mariadu
kel ke di stadu
ma dja ka tradu
ka ta atxadu kulpadu
sta tudu xintadu
sem trabadju
ta spera pa dadu
ma sima ta fladu
kel ki dadu ka ta tradu
fika ta spera xintadu
pa otu kandidatu