VIVI BU VIDA

Si bu vida sta mariadu,
Maria ku el
Si bu vida sta danadu,
Dana ku el
Si bu vida ka sta da,
Da ku el na txon

Ranja otu vida
Kel ki bu tem
e kel ki bu ta fazi del
Magoa tristeza
tambe ta fazi parti del

bu tem ki sabi ri,
na hora txora
Bu tem ki sabi da,
na hora toma
Bu tem ki dal um volta

Da um volta na bu kabesa
pa bu ka perdi kel kuza
dimaz valor ki tem
Vida ta odjadu na 360 grau,
e ka so kel ki sta bu frenti nau

Bu ta prendi bu ta perdi
Bu ta soma bu susesu,
subtrai tudu frakasu
Na fim ta fazedu konta
intom para di fazi di konta

Si bu teni vida intom VIVEL