RAMEDI DI AMOR

Simplis sentimentu
ta parsi di ripenti
ta kontamina
sima um virus

As vez ta sega
ma tambe ta ilumina
um ser umanu
ku ka ta intendi dretu
si real valor

So tempu ke ramedi
ma tambe tempu
ka ta spera
pa kenha ki ka prendi

Ki pasa vida ta ignora
tudu sinal
ki parsi si frenti

Pamo as vez
nu ka ta odja
ou nu ka ta kre topa
kel ki sta noz frenti

Nu ta kaba pa komplika
ku kel iluzom
di ki kuza simplis
e ka bom

Nu ta kaba pa sunha
ku um sentimentu tamanhu
ki nem ka ta kebi
dentu noz kurasom

Nu ta perdi na djobi
ki nu ta perdi na vida
to ki algem bem atxanu

I bem kontaminanu
ku virus di si simplisidadi
pe bem flanu
me noz ke ta ama

Kel ramedi ki nu spera
pa kuranu in/felizmenti
e ta bem na dozi uniku
DI BO SERÁ KI BU TA PERDI