KAMINHU DI AMOR

Tantu tempu ta vivi mi so
e txeu tempu ta vivi so ku dor
nha vida sta fika baziu sem amor
tudu algem sabi ma ki sta falta e bo

Maz importanti na vida é vida
o ki bu vivel a doz pa dividi magua
i multiplika alegria pamo vida
é um kaminhu ku ta fazi
pa txiga na topo di montanha

Ku bo na nha ladu
nta buska topo di everest
ti ki n xinti ka podi ki n kai pa ladu
kansadu ku subida
ku nha kabesa na bu ragaz
ku nha kabelu branku
na bu perna kansadu

N sabi ma nu ka ta txiga topu
ma nu ta abri kaminhu
pa nos fidju ku nos netu
pa nu xinta ladu a ladu
ta goza paizaji diskansadu
ku noz bandera finkadu
ta marka noz amor