ODJU FITXADU

Odju fitxadu
ka sabi ka odja
brasu kruzadu
ka fazi ka skodja
è kel ki bu fladu
kel ku ta kumpra
ka bu fika xintadu.
bu kre sabi? Pergunta.

Djam odja algem ta fazi di segu
so pa otu ka pontal dedu
ta da pa inkapaz fazi di koxu
pa ganha xintadu ku mon dentu bolsu
algem di vaidadi ta dizpreza verdadi
ka tem kapasidadi pa sai di falsidadi

Prekonseitu finkadu dentu sosiedadi.
Um difetu ki nu ta ganha di poku idadi.
Pobri ta kori e ladrom riku é jinasta PAMODI?
Pobri paradu e mandrion riku sa ta diskansa. PAMODI?
Homi fobadu e distinu riku e fundu perdidu. PAMODI?
Pretu ku rasta e dilinkuensia branku e novu tendensia. PAMODI?

Nu ka sta odja mudjer ku odju intxadu
ku denti kebradu SERÁ KE KAI?
Nu ka sta odja mininu ku kalu na mon
sem infansia sem skola sem pon SERA KE TEM PAI?
Nu ka sta odja homi ta txora sem sustentu na bolsu so frustasom
na kabesa kabelu branku. Preokupasom SERÁ KI SORTI DJA BAI?

Odju fitxadu
ka sabi ka odja
brasu kruzadu
ka fazi ka skodja
é kel ki bu fladu
kel ku ta kumpra
ka bu fika xintadu.
bu kre sabi? Pergunta.

N TA FLAU