AMI ABO ANOZ

A mi e puru? NAU.
Ami e spertu? NAU.
Ami e apenas um livru abertu
Sempri prontu pa bu le ora ku kre.

Abo e tudu? NAU.
Abo e sertu? NAU.
Di bo e pena n’teni so um versu
Na nha bloku pam le o ki n’kre

Anoz e um? NAU.
Anoz e doz? NAU.
Anoz ka nada gosi nem dipoz
Si bu pensa ma mi e so maz um.

Anoz e sabi? SIM.
Anoz ta konta? SIM.
Anoz nu tem kuza sabi konta,
Txeu di fazi ki nu tem ki dura.

Anoz e bom? SIM.
Anoz e diskontra? SIM.
Anoz e rei di bom, na diskontra,
Um ta kompu kelotu, Sima um kura.

E por isu ki dja tem AMI,
Tambe dja tem ABO,
Gosi filizmenti dja tem ANOZ.