PONTA DEDU

Kantu bez djo ponta dedu
trokadu fladu kontu bedju?
Algum bez djo ponta dedu
pa fulanu sakedu dianti spedju?

Ka parsem ma bo e di kes
algem ki sabi fla me ta erra
Ami n’sabi ma kuazi tudu bez
bu ta spia di bu manera

Ta deduzi em bez di pergunta
U ki ta reduzi valor di munti kuza

Poi algem pezu na kosta
so pamo noz kabesa lebi
Sera ki e so gana trosa
ta ponu fla kuze nu ka debi

Nu ta txomal patakeru
ma si nomi nem nu ka sabi
Nunka e faltanu ruspetu
ma nu ta fla me ka bali

Dja bu pensa ma um dia ta tem?
Kada um ku si kruz ku si taxu
Fazi kel ku fazi tem sempri algem
ta kre djobenu di riba pa baxu