DEZ

N’tem dez pueta dentu mi
Ma sime sta faltam letra
N’tem dez voz pam fala
Ma ningem ka sta obim txora
N’tem dez brasu stendedu
Ma ningem pa dam abrasu
N’tem dez kabesa ta pensa
Ma sperteza ka sta djudam
N’tem dez vontadi dentu mi
Ma nada n’ka fazi sta fika tardi
N’tem dez nomi pa txomam
Ma ti oji n’ka obi nhaz santu nomi
N’tem dez trabadju pizadu
Ma n’ka ta dexa di sta mariadu
N’tem dez prublema ta frontam
Ma ninhum ka ta pom xinti fatela
N’tem dez tistom ku mi
Ma n’ka ta nega ningem pon
N’tem dez bolsu fradu
Ma Ti oji nka anda ku ratadju