UM ANU TA SKREBI

DJA PASA UM ANU
TINDA N'STA SKREBI

N'STA KAUZA DANU
O DJUDA KEM KI MESTI?

KRIATIVIDADI DJA TOMA KONTA MI
KI DJA N'KA KRE, NEM N'KA PODI PARA
REVOLUSOM STAM DENTU KABESA
MUNDU KA STA PRONTU, TENI PRESA
KRE BAI ALGUM KAU, MA STADU LENTU
NA PENSAMENTU, NA MOVIMENTU
TA KONTAMINA NOZ KRIATIVIDADI
NA BUZKA ALIMENTU, NOZ NESESIDADI
KE MAZ FORTI KI VONTADI DI MUDA
SAKU BAZIU KA TA SAKEDU, KA TA DURA
TIMENTI NU SA PENSA KU BARIGA
NU KA STA AVANSA PA RIBA

N'ABRI ODJU PA MUNDU N'BEBI
KEL KI N'ODJA E KEL KI N'SKREBI

E UM VISIU KI BEM PA DURA
UM ANU NEL TXEU KUZA MUDA