SI KES FLAM

Djes flam pam mexi,
Ma n’tem ki ta abri odju,
djes flam pam skesi,
pam dexa da pa dodu.

Problema ta bem ta bai
e so sakudi e ta sai,
puera ki nu ta djunta
ki ta ponu parsi bedju.

N’tem ki sakedu,
pasa vida dianti spedju,
kabelu detadu,
bariga pa dentu,
peli brilhanti,
bom panu na korpu,
kabesa fresku labantadu,

Xinta poku, mexi txeu,
abri menti, skesi poku,
Dexa pam fazi
em vez di kexa
kel ki n’ka fazi.