DEZ VAZU PIKINOTI

E na um jardim na meiu paraízu
ki n'ta guarda um kantinhu
pa nhaz Dez Vazu Pikinoti,
ki n'ta trata ku tudu karinhu.

Nada ka podi faltaz,
nem kel poku agu
ki ta resta to ki regadu
kez kuatu kanteru tamanhu
ki sta na kuatu ponta.

Bom vizinhu, finkadu
na meiu ses kaminhu
moda istasom di servisu
di pasaji di um ponta
pa kelotu nez jardim,

Nhaz Dez Vazu Pikinoti
ka ta perdi gota-gota
um bokadinhu e sa ta bebi,
vivi di seka ku sedi
manenti e sa ta prendi,

Um dia e tudu kantu
ki tem ki prendi mata sedi,
nhaz dez vazu dja sabi
pa inxina mo kes ta bebi.