OBRA PERFETU

Sima ta fladu, obra perfetu
e obra ki sta pa kaba.
Sima obra di Deus,
mundu/omi inda ta safa.
Tem kuzaz pa kuriji timenti nu sta li.

Um artista tem buraxa,
tinta branku o diliti.
Deuz ta kumanda Mundu
ku forsa di natureza sem limiti.

Kada duensa tem si kura,
SIDA inda ka tem
Planeta sta duenti
ramedi sa ta dura
sera ki omi tem?

Timenti obra ka sta fetu
omi tem ki djobi um jetu
se ta bira um parazita
o e ta vivi em sintonia
ku Universu i ses irmon.

Obra tem ki txiga fim
Omi Grandi ka ta spera
No início era o Verbo
ma na fim ta fika bem fetu
Nem ki kumesa tudu di novu.

Limpa tela fazi so kel ki bali.