PRAIA

N'tem sodadi fazi konta
doz trokadu trazi kompra
na merkadu ku nha kota
la na Praia

era suavi trokadu poku
ma kel troku dentu bolsu
ka mesteba da pa dodu
dentu Praia

teni kantu sima mi xatiadu
disgostadu ku kuzaz mariadu
ki sta pasa sem tadjadu
na nha praia

ta dadu mo fitxadu
kanu seradu sta spadjadu
juventudi agaradu
munti familia koitadu
na noz Praia Maria

sta duenti sima dor di denti
ta mostra so kez di frenti
ki sta maz bonitu maz bom
sukundi kez di traz denti pilon
ai Praia

djam mandou bai trata
pamo kau sta mau
ma vaidadi e txeu
um dia bu ta spadja
ma nka ta dexau
nha sidadi n'kreu txeu