SEM KOMENTARIU

E ka sta bom di kabesa, nem ka bu liga, trandu oji e tudu dia, mesmu brinkadera mesmu leru-leru, sta na moda da pa dodu, e ka di oji ki n'sta odja, dja txiga ora nu bem korda.

O kes perguntadu um kuza es ta fla: "Ami nada n'ka sabi" , afinal es sabi tudu, sera vaidadi o maldadi. So Deus ki sabi! Otu ora es ta flau: "kel ki bu kre sabi, perguntam n'ta flau tudu ku kre".

Ignoransia e duensa ki ta pega. O ki bu da ma bu sabi algum kuza, afinal nada bu ka sabi, so bazofaria ku iguismu, kapaz di enkaminha um segu pa abismu.

Trokadu gana ser dotor/analfabetu, konsumidor di metadi konbersu, ta sta fora kontextu, so komplexu ku gana ser maz spertu ki ta pou fala sem neksu.

Boka fitxadu ka ta entra moska. Sem komentariu e nha resposta.