PININA DI NOZ

Forti mundu e duedu.
Ta da ka bali di tudu,
ta kre toma kel poku
na kel algem ke dretu

n'konxi algem ke dretu
sima agu limpu na poti
ki n'ta bebi na si kintal
e nasi la na os orgaos
praia gosi e si morada
txadinha baxu si mundu

Deus ka meresi algem si
dentu tudu si kapodi
e ta subi la riba na BCL
pe ba obi misa dumingu
pamo riba Praia ka ta da
forsa di um bez ka sta la

ta pasa la na kaza di sedu
pa sabi si nu sta tudu dretu
ami detadu inda na kama
dipos e festa ke ta fazenu
kada bes ki nu soma na porta
la na frenti kaza o la na loja

kualker um di noz
netu/fidju/sobrinhu

kel lojinha e amparu
pa kez ki tudu algem
ta txoma di mokeru
kompanhia di tudu dia
el e mai di munti fidju
kes di sel ku ka di sel

el e di meu? ayan
el e di noz? ayan
el e di tudu pobri koitadu
ke stendi si mon o ki mesti
di tudu netu ke djuda kria
ku kel padaz di jenerozidadi

e inxinam da kel ki n'ka mesti
pa kenha ki sta fazi falta
obi tudu voz ki sta fala
o di gravata o pe ratxadu
xinta ku tudu sepa bolsu
kel fradu o kel ki sta fundu

e inxinam umildadi, bondadi, amizadi
por isu, Piná di noz. PARABÉNS!