ABRI BOKA BU FALA

Kabesa é pa pensa
boka é pa fala
o sera ki bu ta kala
pa kabesa ka kansa?
é midjor bu diskansa

Podi dexa N ta trata di poi
palavras klaru na bu menti
ke pa dexau dipos kapas
di tras pa lado di forma intilijenti

Pa ka mistura ku kes lixu puluenti
ki bu ta konsumi na ti vi
nhas rimas é mó diluenti
mas bu obi mas bu ta kre poi

Pa bu aji di forma intilijenti
intom ka bu skesi nha boy
é midjor bu toma senti nes mensaji
é també pa tudu kez ki ta fazi viaji
ma ta sta auzenti ki ta perdi paizaji
ki sa ta pasa si frenti

Dja bu sta xintadu konformadu
ku kel ki bu kontadu ki bu obi ta fladu
so ta spera txiga bu paraji
intom é midjor bu korda
pamo é na varzia ku ta dixi