TUDU SEGUNDU

Odju ta fitxa
pensamentu ta domina-m
deseju e venenu
ki ta kura, ta konsumi
ta akesi nos kurason
ma tambe ta kaba ku sekura
di sta kada sugundu lonji bo

um segundu,
dos sugundu,
dja bira txeu sugundus,
ta sufri li kaladu
ke pa fika bem klaru
ma N ka kré fika mi só
nem mas um sugundu lonji bo

bem enfrenta dizertu
sem agua sem kumida
bu voz na tilifoni
e um oazis ki ta anima
ki ta da-m forsa
pa kontinua travesia
ku serteza ma
nu ta torna odja

pa N podi mata sedi, mata fomi
fika di novu kompletu
ka kontenta só ku bu nomi
ki sta skritu na pensamentu
ku odju fitxadu
ta sunha kordadu
pa N fika pertu bo tudu sugundu
ti ora ki nu torna odja
pa N abri odju diskansadu