ESCRAVATURA

DJAM STA LIVRI
PAM BEM VIVÉ
DJAM STA LIVRI
PAM BEM VIVI NHA VIDA
SIMA NTA KRÉ

ESKRAVATURA
DJA KA TEM MAZ
MA NU TA KONTINUA
TA VIVI PREZU SIMÉ
ESKRAVU DI TEMPU
ESKRAVU DI DINHERU
ESKRAVU DI PENSAMENTU
KONDISIONADUS
LIMITADUS
PA VIDA KI NU TA LEBA
KU GANA PA SER
SIMA NU TA KRÉ

KADA UM DI NOZ
KI SABI SI É PA TUDU TEMPU
OU TIMENTI NU KA RIZOLVI
SER KUMANDANTI
DI NOZ BARKU
MAR É UM ENIGMA
OJI KALMU MANHAM BRABU
NU STA ANDA A DERIVA
TA SER DIRIJIDUS
PA POLITIKUS
KI NU KA SKODJI
NU KA STA ALERTA
MOSKA TA MUDA
MA TA KONTINUA MESMU M****

UNS TA KRÉ KONTROLA
KUZÉ KI NU TA POI
NA NOZ BOKA
OTUZ KRÉ SABI
KUZÉ KI NU TENI
GUARDADU NA PENSAMENTU
MANIPULASOM
É UM KRIME SILENSIOZU
POBREZA É OKAZION
KI TA FAZI LADRON
NOZ ODJU KU OUVIDU
É PORTA KU JANELA
PA DEXA ENTRA LUZ
NA NOZ KABESA

UZA BU VOZ
KOMU ARMA DI DIFEZA
SI BU KA SABI PERGUNTA
SI KA STA DRETU DINUNSIA
SI BU SABI UM JETU
INTOM LUTA
DJA TXIGA TEMPU
DI NU BEM VIVI NOZ VIDA
SIMA NU TA KRÉ
DJA TXIGA TEMPU
DI NU SER LIVRI
PA NOZ VIDA
NUNKA MAZ SER KEL MÉ
ESKRAVIZADU!