IMIGRASOM/EMIGRASOM

É BRAM BRAM DI IMIGRASOM
FIDJU SEM PAI
MAI É PÉ DI POLOM
PA PATRIA KA KAI
SODADI TA DA
MANTENHA PA MANDA
TILEFONI TA TOKA
KARTA TA TXIGA
TXORO TA FINKA
LEMBRANSA GUARDADU
ENKUMENDA É ÁBITU
FAMILIA DIVIDIDU

É BRAM BRAM DI IMIGRASOM
LABANTA ANTIZ MANXI
TXHIGA KASA DI NOTI
KABESA TA PIDI PAZ
BOLSU RATXADU
OJI POSTAL
MANHAM BIDOM
TA BISTI RATADJU
TREZ POR DIA KA TA FADJA
KORAJI FITXADU
VIVI PA TRABADJU
BA MATA SODADI
CATXUPA RAFOGADU
DURMI DISKANSADU