DIPENDENSIA

Imerjensia, imerjensia
N sta kauza mau influensia,
kriatividadi dja toma konta mi
ki si N ka para N ta kria dipendensia,
N ka kre mas vivi ku es dilema,
asistensia, asistensia,
si tem pa dam pa kabam ku es prublema,
kazu é urjenti N sa ta fika dipendenti
sem konsiensia,
imerjensia, imerjensia,
N ta konvoka stadu di imerjensia
pa N ka provoka abalu di konsiensia
na kapital prinsipalmenti
na kabu verdi em jeral
nha stadu é tal ki N tem ki liberta
nha kriatividadi pa ka kontajiam
sima um virus ta pom kontamina nhoz menti
tudo bez ki N abri boka pam xpresa
tudu nha vivensia di um forma
sem pur sentu orijinal
nunka na influensia pamodi kriatividadi
dja toma konta mi ki dja N ka kre para
N kre kria dipendensia
pa djudam solta ez turbulensia
ki sta frontam kada dia um konsekuensia
ki ta pom kausa influensia
muda konsiensia pa midjora nos vivensia
N tem ki ta vivi ku es prublema
pamo kriatividadi dja toma konta mi
ki si N para es nha jornada ka bali pena