KA BU KEXA

Oji em dia gentis gosta di obiu ta kexa
di algum kuza só ma dja bu kexa
as ves N ta fika komprometidu
ku medo ka abuza pes ka fla ma mi é trividu
ma N sta da pa bom inton N ta entra na ses jogu.

Odja um kuza fudidu!
N ta kexa ma nhas fala ka sta ser obidu
simé ta fladu "khalo sta da pa bom"
i otus kuzas sem neksu
N ka sabi si e inveja o kompleksu
N ta poi di ladu

Ami N ka bem pa mundu
Pa N bem fika ta lamenta
pamo vida é bela si ka for N ta inventa
se kalhar N sta arma em bom "so naquela"
ki mal ki tem ser asi?

Tudo ki N kre é grita bem altu
asi tudu C.V. ta obi mundu interu ta sabi
ma konvivi ku nhas gentis
ta pom xinti mas pertu paraizu
N ta luta tudu dia pa isu
li na tera dja N sta dentu paraizu

Xinta 10 minutu ku algem ki N kre txeu
ka tem presu é prizenti ki kai di seu
ma dinheru na meio é pior ki pitéu
oras ki ka tem prizenti ka ta bem
nem tudu dia é ka natal
pamodi ora ki bu sta fobadu
bu ta fika ta sabi kenha ki sta na bu ladu

Kenha ki tem amigu tem tudu
es ki ta ampara-m ora ki kuzas kumesa faltam
intom pa ke ki N ta kexa si mi é milionariu?
nhas amigus bali kada um mil salariu
simé tudu dia N ta obi algem ta kexa

Uns di vizinhu, otus di familia
mudjer di maridu, mai di ses fidjus
jovens di trabadju, ku falta di dinheru
i tempu pa nada, ku mizeria na getu
ami pa dexam ketu.

Pa ke abri boka sem pensa
dipos pa bu bem paga konsikuensia?
bu sta kexa di bu vida
so pa algem ka txiga na bo
antis di bu abri boka djobi dretu
pamo kenha ki sta na bu lado
debi teni mas razom di kexa ki bo
si kalhar é sta mesti pa bu stendel mon
ma bu ka sta da konta ma é sta xinti el só
ta kexa ma vida txeu bes ta trazel só dor.