SALDU PUZITIVU

Nha genti xuxu sta riba txada ta badja
djé toma konta mundu ta zibia ta kanta
Na ba djé pinta manta? mo bu atxa?
Sima ta fladu dipos di sábi mori é ka nada

Tudu dia N ta odja jovens
ta brinka ku ses vida
es ta kori tras di da kel moka
ki ta mandas diretamenti pa koba

Pasaporti pa séu o pa infernu
ma inda es ka da konta
si es ta bai ez só
ou es ta lebadu na mon
sima um kriansa

Ta kai na aznera di kompiti
kenha ki mas ta tra
kalsinha di kes dama
é ka um é ka dos
tres dja ka tem mas nem kabesa
pa uza kamizinha ta fika ku fama

Na kada festa ké ta bai
é um dispidida di si vida
é ta dal um moku é ta dal um mokas
na fim es ta fazi konta
saldu será negativu o seropuzitivu
ma simé es ta leba tudu na diskontra

kenha ki da si pedi tremi si kadera
si ki N obi nha avó ta fla
oji em dia jovens tem
tantu merda na kabesa
ki kada bez ki dadu um pedi
nos tudu ta tremi sem brinkadera
komu fus é mas konfuzentu ki pedi

nu da nos jovens mas atensom
i menus tilivizom mas okupasom
ku responsabilidadi na kabesa
é solusom pa risolvi situasom
pamo kuza dja kumesa txera