PALAVRAS

Fala kel ki bu tem pa fala
sem medu fala klaru fala faxi
tempu ta pasa
palavras ta fika pa sai
intom dispaxa
txeu bez ki ta fika na ar
é palavras baziu
pamó kenha ki flaz dja bai
na fundu ki ta konta
é kuzé ké ta fazeu
la dentu na kabesa
o na kurasom
na undi maz bu sta mesti
palavras pa konsola
pa kura pa bu ka kala maz
si bu teni algum kuza fla
ka bu tem medu fala aznera
fika ta sabi ma
tudu lixu tem utilidadi
nha ovidu é sima lixera
n ta obi tudu ki tem pa fladu
midjor ka bu fika kaladu
djuntu nu ta fazi um resiklaji
aproveita tudu desperdisiu
uza palavras pa noz benefisiu
um arma si for bem manipuladu
ta torna um visio
na mon di kualker soldadu