NOZ KUADRU

Linda bu parsi na nha frenti
muda nha vida, dexam sábi
dum manera ki ka ta finda

imajina mi ku bo mo ta fika
di mon dadu na avenida,
um kuadro ki mi ki pinta

tudu ki n'imajina pa noz vida,
saudi sorti amor ta txiga
pam dau tudu ku meresi

e difisil konkretiza, djam sabi
ma ku forsa di vontadi kuazi
nu podi fazi noz kuadro,
pintadu ku tinta di pasa sábi,

ser kuadru di onra prindadu
na muzeu di umanidadi
ka sta fasil ma n'tenta
pa tudu na mundu n'tenta,

pa nha sonhu ser pa sempri
um monumentu di verdadi
pa dura pa tudu iternidadi

n'tenta di tudu pa n'ka korda
ma n'tem ki kontenta ku rikorda
torna durmi, teneu djuntu ku mi!